許冠傑( Samuel Hui ) 佢有佢講 歌詞

2.佢有佢講

電影「雞同鴨講」主題曲
作詞：許冠傑
作曲：許冠傑

我個「媽打」跟我個「花打」好一對鷸蚌，分分鐘拗認真多講，
「花打」講緊美蘇日韓，「媽打」講緊化粧，
「花打」講股市，「媽打」講油脂肪。
我個賓妹工人跟個馬姐，三姑最佳拍檔，
馬姐聽督督撐，賓妹聽歌拉桑，
馬姐炆豬腳加一羹白糖，賓妹講 No No You're wrong，
一早起身兩個一中一英拗到上床，認真好拍檔。

你有你講佢有佢講，兩個(個個)吱吱喳喳拗到黃面，
聲壞氣愈叫愈狂，嗌到拆喉嚨就快乾，
你有你講佢有佢講，兩個(個個)嘰嘰呱呱口水奔放，
始終都冇結論拗到天光，冇係雞同鴨講(睬你都贛)，
雞同鴨講(認真惡講)。

交通差跟個 Van 仔佬街邊辦案，Van 仔佬塊面似隻苦瓜乾，
俾俾面俾一次機會得，交通差打起官腔，
你超速兼超載衰梗上定堂。

香港地分分鐘有雞同鴨講狀況，
先生講數學你我答吹波糖， David 張係處扯緊鼻鼾，
Mary 梁節緊暗瘡，黑仔跟 Mary 少組織緊飛車黨，間班房一檔檔。